小編白宮速報

小編SML:

自從小編做《小編白宮速報》以嚟，今日絕對係最忙 Top 3 之一 😵‍💫🔥

白宮班人係咪痴線㗎？點解個個都揀今日開 hearing？🤣

今日 lineup 有：Scott Bessent、Howard Lutnick、Chris Wright、Robert F. Kennedy Jr.、Doug Burgum、Jamieson Greer。

大家要記住，hearing 唔係短短15分鐘 ⏰
通常起碼 1 個鐘，隨時 3 個鐘起跳，Jamieson Greer 嗰場仲差唔多 4 個鐘 😵

而且每場 hearing 都資訊量爆燈📚
用筆記簿都未必寫得切。班議員平時積埋好多問題同火氣，今日終於輪到自己有 5 分鐘，梗係為自己州份利益火力全開💥

Scott Bessent 果然係 Bessent，翩翩君子風範🤵
大家對佢都算有禮貌，問題偏技術性，多數圍繞財政政策同州份議題，所以成場算比較斯文。

但去到 Howard Lutnick 就完全另一個世界 🌪️
個個爭住鬧佢咁，有議員差啲爆粗：

小編SML😆:

上一次出速報嗰日，原來 The Wall Street Journal 同日安排咗好多白宮高官做公開訪問，小編其實周末已經想出一集速報。點知伊朗條 Strait of Hormuz 又話開、又話關，局勢日日變，小編想預留啲時間俾突發新聞in case，所以一路拖到今日先出。⏳

今日終於有時間聽 Howard Lutnick 上 WSJ 個訪問。大家有冇見過 Wall Street 君子版潑婦罵街？🤣 Lutnick 今次真係表演俾你睇。

佢鬧加拿大嗰段，內容同平時斯叔同阿焚喺節目入面插加拿大總理，幾乎一模一樣，只不過今次係英文版、高級西裝版、紐約金融佬版。😂

一句：“They suck.”

再加一句：“Worst strategy I’ve ever heard.”

小編真係笑到流眼淚。😭🤣

小編SML:

小編覺得真係好耐冇見過 Scott Bessent 出場啦。自從美伊局勢初期露過面之後，到局勢升溫、去到白熱化階段，反而一直唔見佢身影。今日終於見返佢現身！👏

今次佢同一位經濟學者坐低討論 poverty（貧窮問題），感覺簡直就係美國版《經濟KFC》真人版咁 😂📈🍗
當然啦，論火花程度，暫時都未追得上阿焚、Jacky 同 KC 博士呢個黃金組合 😆🔥 風格上就明顯偏學術派多啲。

另外，小編今個週末聽咗另一個訪問，都想同大家分享一下。就係前幾日美國能源部部長上咗 Stephen Miller 太太 個 YouTube Channel 接受訪問。因為唔係傳統電視節目，所以成個對談氣氛輕鬆好多，講嘢亦放得開啲，內容其實幾值得一聽。🎧

其中一句真係令小編即刻停低咗：

“If you wiped all the solar panels off the planet tomorrow, no one would notice.” 🌞😳

（如果聽日將全世界所有太陽能板抹走，根本冇人會察覺。）

小編聽完真係超驚訝 LOL 🤯🤣

小編SML：

小編本來都冇諗過周末要出速報😮‍💨，但呢單真係幾大件事。

突然間出咗個聲明，話同Iran傾唔掂數，而出面交代情況嗰個，仲係JD Vance，唔係其他人。😳

今次Donald Trump擺明係派JD Vance去拆彈🧨，希望由佢出面搞掂件事。點知連佢都拆唔成，真係令人擔心之後局勢會點發展。😮‍💨

睇怕今次風波仲有排搞，短期內都未必收得到科。唉…😮‍💨🌍

小編SML：

伊朗單嘢真係每分每秒都變緊，根本追都追唔上😵‍💫
講真，小編都暫時放棄硬追，因為白宮啱啱講完，下一秒總統可能就喺Twitter改口，直接打臉😅

所以小編決定——
不如轉返跟啲「冇咁即時爆炸」但更有內容嘅新聞📊

例如：
Jamie Greer 出席嘅論壇，仲有 Stephen Miran 嗰啲公開演講🎤
呢啲反而更加貼地，同經濟、民生關係更大📈

唔係話小編唔跟伊朗，
只不過呢類戰事資訊節奏太快，唔係小編最擅長嘅範圍🤷‍♂️

小編SML：
其實上星期五已經收到消息，Pam Bondi 已經被炒📩，當日都有諗過即刻出速報⚡，但又覺得周末應該會有更多後續消息，所以先忍一忍👀。

果然，之後開始四圍傳緊，話可能連 Howard Lutnick 同白宮發言人 Karoline Leavitt 都有機會出事🔥。不過到今日都仲未見到實際有人再被炒，可能只係虛驚一場🤔。

但講到Lutnick喎😂，大家都知佢同 Donald Trump 關係密切（根本「自己人」級別），你話Lutnick被炒？機會真係低到…反而話Lutnick炒Trump都仲現實少少🤣（當然講笑啦）。

另外都幾有趣🤨，最近好似大家都突然「消失」咁——上親訪問都會被問伊朗問題🌍🔥，結果依家反而見唔到咩官員出嚟做訪問🎤。
唔知係刻意低調，定係真係想避一避風頭呢？😶

小編SML：🤔 點呀，Donald Trump係咪一年一度出嚟玩 April Fool's Day？

今晚一早就已經預告，會發表全國演講，專門交代「Operation Epic Fury」呢個伊朗行動嘅最新 update 📺⚠️🚨

佢仲講到明，未來兩至三個星期可能會有更猛烈行動🔥……氣氛真係拉到好滿。

但講真，大家個個都望住伊朗局勢 🌍，反而冇乜人留意國內另一單重磅消息👇

JD Vance 剛剛宣誓新任反詐主管 Colin McDonald 🏛️
👉 呢單其實都幾關鍵，之後嘅反詐行動同政策走向，值得密切留意 👀

一句講晒：外面打仗🔥，入面整頓💼——兩條線同步進行中。

小編SML：說真的，聽白宮新聞，其實未必就等於全部事實。因為而家係戰時狀態，Donald Trump 一直出嚟安撫大家，話戰事會好快結束；但另一方面，其他媒體又報導大量軍事部署調往中東，股市亦出現明顯波動，上上落落 📉📈。

小編唔會表達任何立場，亦唔會叫大家一定要信邊一方。小編白宮速報做嘅，只係將白宮官員講過嘅內容整理出嚟，如實呈現 📰，唔加入個人意見或評論，等大家自己判斷。

小編SML：
今次白宮內閣會議，小編當然全程聽晒👀。有少少意外，今次唔係個個人都有發言，而係集中由幾位重點人物講。連 Howard Lutnick 都冇乜點開聲，基本上就係坐喺度笑😅。

其實咁樣反而幾好，唔使下下聽成班人輪流「擦鞋」，真係聽到人想嘔🤦‍♂️。重點清晰啲，節奏都好啲。

另外講開，早前 JD Vance 唔係領軍搞全國反詐騙行動咩？昨日都有開記者會🧾。會上講咗唔少案例，其實小編唔算特別驚訝，不過佢哋動作都算快，起碼短時間內已經有啲成果可以交代俾大家睇。

小編SML：當小編聽到 Doug Burgum 講到 supply chain 問題時，真係忍唔住想講一句——
美國人終於識醒啦？😅 有人終於瞓醒啦？💤➡️👀

另一個亮點就係 Mike Waltz 上咗 Pod Force One 做專訪🎙️
如果有聽星期二《笑談中國經濟》，阿焚其實都提過👇

Mike Waltz 根本唔係咩「二打六」被派去 UN 做打雜🙅‍♂️
佢係有軍事背景🎖️、有國會經驗🏛️，對外交同國安議題非常熟悉嘅重量級人物。

所以今次去 UN，唔係被踢走——
而係被派去一個真正嘅「戰略外交戰場」⚔️🌍

聽完整個訪問，你會感覺到：
👉 呢個位，佢係去「做大事」，唔係去坐冷板凳。