小編白宮速報

小編SML：

一早已經預告，呢排會有好多 hearing，但真係冇諗到，竟然撞正白宮一連兩日簽 executive orders，仲要連住開記者會。呢幾場 hearing 又長又多火花，小編聽到真係傻。🫠

今次幾場 hearing，表面上係講 DOJ、Treasury 同 2027 budget，但民主黨真正追打嘅，其實都係同一件事：Trump 同 IRS 嘅 settlement。民主黨質疑，特朗普係咪告自己政府之後，反而換到一份保護自己、家族同公司嘅稅務免責安排。🔥

尤其係 6月3日 Scott Bessent 出席參議院財政委員會聽證會，單是 opening remarks 已經火藥味十足，差啲連正式問答都開唔成。民主黨參議員 Ron Wyden 先猛烈追打特朗普與 IRS 的和解，質疑當中涉及特朗普家族稅務免責；Bessent 隨即反擊，指 Wyden 抹黑財政部，是為了掩飾其兒子 Adam Wyden 曾向 Jeffrey Epstein 尋求 funding。⚡

Wyden 亦即場回敬一句：
「沒有人想聽美國史上最腐敗政權中打手的胡言亂語，我們要問清楚這宗交易的事實。」

正式問答尚未開始，場面已經幾乎失控。🤯

小編SML：

Pete Hegseth 喺香格里拉對話到底講咗啲乜？成個分析，大家聽返星期一《一點新聞》阿焚嘅分析就得。Hegseth 今次真係講得好精彩，立場清楚到幾乎係「畫到出晒面」：美國要盟友分擔防務責任，唔再免費做世界警察，印太局勢亦唔可以再靠口號維持和平。🌏⚓️

另一方面，Bessent 就成為第三位代替正在放產假的白宮發言人出嚟頂住記者會嘅官員。佢一開波就講：「大家可以叫我 Dr. Bessent。」真係好笑到爆🤣 最抵死係，班記者之後又真係要咁樣叫佢，成個畫面非常有娛樂性。

不過講到最多資訊量嘅訪問，一定係 Maria 同 Bessent 嗰個。Maria 每次都問得好犀利，問題直接到有啲「一言驚醒夢中人」嘅感覺，真係好值得大家去聽一聽。🎧✨

小編SML：
今日係白宮第 12 次內閣會議，小編都有啲驚訝，原來自己真係跟足晒 12 次，而且仲要聽晒全場。🤣

特朗普今次喺會上都有講，以前每個內閣成員都會輪流講少少，但咁樣一開就變成 3、4 個鐘，實在太長，所以今次佢就揀重點官員發言。結果連 Lutnick 都冇出聲，只係坐喺隔離笑。😂

不過，當小編聽到 Bessent 大讚美國經濟幾好、幾有韌性、幾繁榮嗰陣，小編腦入面即刻浮現一樣嘢：油價。⛽️🥲
真係一諗起入油就想喊……太貴啦！

雖然油價唔一定關 Bessent 事，但作為普通人，真係暫時感受唔到「經濟好」嗰一面。😅

另外，Tulsi 要離開呢件事，其實小編好早就知道，不過因為之前未有白宮官員正式出嚟講，所以小編喺速報入面都冇特別講。今次特朗普喺內閣會議上公開多謝 Tulsi Gabbard，基本上都證實咗佢即將離任。講真，小編都有啲唔捨得佢，佢真係一個人才呀。🥹👏

小編SML：

其實明州詐騙案，小編已經跟咗一排。早幾日幾個部門一齊出嚟開記者會，睇嚟佢哋應該係掌握咗唔少嘢，所以先敢講到咁重口。👀

講真，身在美國嘅小編，對呢件事一啲都唔驚訝。美國福利制度本身係想幫有需要嘅人，但問題係福利太易攞、漏洞太多、監管又唔夠，結果就有人寧願靠福利，都唔願意返工；更加有人直接將制度當成提款機咁玩。💸

只係佢哋可能冇諗過，今次真係有個特朗普癲佬走出嚟查到底。照而家呢個勢，美國人睇怕仲有排受，因為呢類案，可能只係冰山一角。🧊🔥

小編SML：

Bessent 由 weekend 開始已經不停出嚟上節目，到今日為止已經上咗幾個。小編真係冇辦法一個一個全部放晒上嚟。佢正職其實係咪做網台節目㗎？出鏡密度仲多過阿焚，有冇搞錯！點跟呀……

另外，小編都好耐冇見 Peter Navarro。上次見佢好似係上 podcast 專訪，之後就好似去咗 Siberia 咁，突然消失咗一排。難得今次再出嚟，仲要一出嚟就講大事，至少證明佢應該仲未被炒 LOL。

Navarro 其實都算係一個奇人異士。大家要知道，佢以前雖然唔鍾意特朗普，但後來因為政見相近，竟然一齊做到嘢，仲成為特朗普政府入面好重要嘅經濟政策人物之一。政治有時真係好奇妙。

小編SML：

抱歉大家🙏 因為小編人喺 DC，呢幾日真係太忙，忙到根本冇時間寫速報。其實好多場小編都有聽，但真係寫唔切 😵‍💫

今日小編意外經過 Federal Reserve 大廈外面，先突然醒起：原來今日係議息日！難怪大門口啲保安個樣完全唔客氣，唔通佢哋以為我係示威者咩？！🤣

本來平時都未必會特登放老鮑記者會上嚟，但今日咁啱經過聯儲局大廈，企喺街上抬頭望住入面，突然感慨十足。好啦，既然咁有緣，就順手寫埋佢入嚟啦 🏦📉

再者，Lee Zeldin 嗰場 EPA 聽證會又真係好爆🔥 佢竟然串到叫人「俾狗尿落份資料度」，真係串到離晒地 LOL 🐶💦📄

小編SML：有 follow 阿焚 social media post 都知，小編啱啱好人在 DC 🇺🇸 今晚一路都諗緊，點解出面成晚不停有直升機聲 🚁 同警車聲 🚓，原來附近發生大件事，家下終於解釋晒。

不過小編一向愛惜生命 😅 就算喺附近都唔敢去現場食花生，嗰邊一定勁亂，安全最重要。

美國總統Donald Trump於2026年4月25日晚間，在華府一場晚宴發生槍擊驚魂後公開發表講話，說明事件經過，讚揚特勤局與執法部門迅速制服嫌犯，並表示不會因暴力威脅而取消公共活動。

小編SML:

自從小編做《小編白宮速報》以嚟，今日絕對係最忙 Top 3 之一 😵‍💫🔥

白宮班人係咪痴線㗎？點解個個都揀今日開 hearing？🤣

今日 lineup 有：Scott Bessent、Howard Lutnick、Chris Wright、Robert F. Kennedy Jr.、Doug Burgum、Jamieson Greer。

大家要記住，hearing 唔係短短15分鐘 ⏰
通常起碼 1 個鐘，隨時 3 個鐘起跳，Jamieson Greer 嗰場仲差唔多 4 個鐘 😵

而且每場 hearing 都資訊量爆燈📚
用筆記簿都未必寫得切。班議員平時積埋好多問題同火氣，今日終於輪到自己有 5 分鐘，梗係為自己州份利益火力全開💥

Scott Bessent 果然係 Bessent，翩翩君子風範🤵
大家對佢都算有禮貌，問題偏技術性，多數圍繞財政政策同州份議題，所以成場算比較斯文。

但去到 Howard Lutnick 就完全另一個世界 🌪️
個個爭住鬧佢咁，有議員差啲爆粗：

小編SML😆:

上一次出速報嗰日，原來 The Wall Street Journal 同日安排咗好多白宮高官做公開訪問，小編其實周末已經想出一集速報。點知伊朗條 Strait of Hormuz 又話開、又話關，局勢日日變，小編想預留啲時間俾突發新聞in case，所以一路拖到今日先出。⏳

今日終於有時間聽 Howard Lutnick 上 WSJ 個訪問。大家有冇見過 Wall Street 君子版潑婦罵街？🤣 Lutnick 今次真係表演俾你睇。

佢鬧加拿大嗰段，內容同平時斯叔同阿焚喺節目入面插加拿大總理，幾乎一模一樣，只不過今次係英文版、高級西裝版、紐約金融佬版。😂

一句：“They suck.”

再加一句：“Worst strategy I’ve ever heard.”

小編真係笑到流眼淚。😭🤣

小編SML:

小編覺得真係好耐冇見過 Scott Bessent 出場啦。自從美伊局勢初期露過面之後，到局勢升溫、去到白熱化階段，反而一直唔見佢身影。今日終於見返佢現身！👏

今次佢同一位經濟學者坐低討論 poverty（貧窮問題），感覺簡直就係美國版《經濟KFC》真人版咁 😂📈🍗
當然啦，論火花程度，暫時都未追得上阿焚、Jacky 同 KC 博士呢個黃金組合 😆🔥 風格上就明顯偏學術派多啲。

另外，小編今個週末聽咗另一個訪問，都想同大家分享一下。就係前幾日美國能源部部長上咗 Stephen Miller 太太 個 YouTube Channel 接受訪問。因為唔係傳統電視節目，所以成個對談氣氛輕鬆好多，講嘢亦放得開啲，內容其實幾值得一聽。🎧

其中一句真係令小編即刻停低咗：

“If you wiped all the solar panels off the planet tomorrow, no one would notice.” 🌞😳

（如果聽日將全世界所有太陽能板抹走，根本冇人會察覺。）

小編聽完真係超驚訝 LOL 🤯🤣